प्रतिनिधी:- पल्लवी चांदगुडे..

बातम्या व जाहिरातीसाठी संपर्क:- 9373004029..

महिला सक्षमीकरण, बालसुरक्षा आणि युवकांना जागृत करण्यासाठी बारामतीत शक्ती अभियान सुरू करण्याची उपमुख्यमंत्री अजित पवार यांची घोषणा’, बारामतीला राज्यात अव्वल कामगिरी करणारा मतदारसंघ बनविण्यासाठी आम्ही प्रयत्नशील आहोत’,अजित पवार यांचं प्रतिपादन.

उपमुख्यमंत्री आणि राष्ट्रवादी काँग्रेसचे अध्यक्ष अजित पवार यांनी आज बारामतीत बुथ कमिटीच्या बैठकीला उपस्थित राहून कार्यकर्त्यांशी संवाद साधला. यावेळी अजित पवार यांनी बारामतीत महिला सक्षमीकरण, बालसुरक्षा आणि युवकांना जागृत करण्यासाठी शक्ती अभियान सुरू करण्याची घोषणा केली. महिलांना अत्याचाराच्या कोणत्याही घटनेची तक्रार करता यावी यासाठी या भागात शक्ती बॉक्स बसविण्यात येणार असून, एक समर्पित हेल्पलाइन क्रमांक (शक्ती क्रमांक – 9209394917) सुरू करण्यात येणार आहे.

बारामतीच्या आजूबाजूच्या महत्त्वाच्या ठिकाणी या हेल्पलाईन क्रमांकाचे पोस्टर्स लावण्यात येणार असून, त्यासाठी विशेष युनिट स्थापन करण्यात येणार आहे. “शक्ती नजर (सोशल मीडिया सर्व्हेलन्स) च्या माध्यमातून आम्ही पिस्तुल किंवा तलवारी सारख्या शस्त्रांसह असलेल्या सोशल मीडियावरील पोस्टवर लक्ष ठेवू”, असे ते म्हणाले. ‘शक्ती भेट’मध्ये विविध ठिकाणी महिलांसोबत बैठका घेऊन त्यांना गुड टच, बॅड टच, सुरक्षितता, अमली पदार्थांचे सेवन आदी विषयांवर प्रबोधन करण्यात येणार आहे, असेही अजित पवार यांनी सांगितले.या प्रकरणाचे गांभीर्य सांगताना ते म्हणाले, ‘तुम्ही माझे कार्यकर्ते आहात म्हणून मी तुमच्याशी हे शेअर करत आहे. जर तुमच्या कुटुंबातील कोणी सदस्य चुकीच्या कामात अडकले तर ते तुमच्याशी संबंधित असले तरी मी उदारता दाखवणार नाही. शक्ती दक्षता अभियानांतर्गत व्हॉट्सअॅप, फेसबुक आणि इन्स्टाग्राम सारख्या सोशल मीडिया प्लॅटफॉर्मवर शस्त्रांसह फोटो पोस्ट करणाऱ्या व्यक्तींवर कडक कारवाई केली जाणार आहे.असे अजित पवार यांनी यावेळी सांगितले.

कार्यकर्त्यांमध्ये उत्साह निर्माण करण्यासाठी पक्षांतर्गत गटबाजी आणि मतभेद बाजूला ठेवूया, असे अजित पवार यावेळी म्हणाले.

या निवडणुकांना आपण एकजुटीने सामोरे जाण्याची गरज आहे. ३० वर्षांहून अधिक काळ या मतदारसंघाचे प्रतिनिधित्व करणारे अजित पवार म्हणाले, बारामती मतदारसंघ राज्यात अव्वल कामगिरी करणारा मतदारसंघ व्हावा यासाठी आम्ही प्रयत्नशील आहोत.

तत्पूर्वी अजित पवार यांनी बारामतीत वरिष्ठ पोलिस अधिकाऱ्यांसमवेत बैठक घेऊन महिला सुरक्षेबाबत चर्चा केली.

शक्ती अभियानाविषयी बोलताना ते म्हणाले की, शाळा, महाविद्यालये, सरकारी कार्यालये, खाजगी कंपन्या, रुग्णालये, कोचिंग क्लासेस, महिला वसतिगृहे आणि टपाल कार्यालयांमध्ये “शक्ती बॉक्स” बसविण्यात येणार आहे. ज्यामुळे महिला आणि मुलींना तक्रारी सादर करता येतील.

तक्रारदारांची गोपनीयता राखत संशयास्पद कृतींच्या तक्रारींवर तत्काळ कारवाई केली जाईल, असेही त्यांनी स्पष्ट केले.