बारामती येथील विद्या प्रतिष्ठानचे कला विज्ञान व वाणिज्य महाविद्यालयांमधील, बी. बी. ए. (सी. ए.) विभागमार्फत  ब्लॉकचेन टेक्नॉलॉजी या प्रोग्रामिंग भाषेमधील विषयावर व्याख्यान आयोजित केले होते .

व्याख्यानाच्या  उद्घाटन प्रसंगी महाविद्यालयाचे प्राचार्य डॉ.भरत शिंदे, उपप्राचार्य डॉ. श्यामराव घाडगे, उपप्राचार्य लालासाहेब काशीद, बीबीए- सीए विभाग प्रमुख महेश  पवार, व्याख्यानाच्या  मार्गदर्शक प्राजक्ता घाडगे , अपस्किलटाइम,प्रोजेक्ट मॅनेजर ,बारामती  उपस्थित होते.  महेश पवार  यांनी आपल्या प्रास्तविकमध्ये व्याख्यानाची उद्दिष्ट व  विभागामार्फत भविष्यात विद्यार्थ्यांना त्यांचे कौशल्य आणि ज्ञान वाढवण्यासाठी आयोजित करण्यात येणाऱ्या विविध उपक्रमाची माहिती  दिली .

प्राचार्य डॉ. भरत शिंदे यांनी अशा प्रकारच्या , व्याख्यानामुळे  विद्यार्थ्यांना प्रोग्रॅमिंगच्या ज्ञानात नक्कीच भर पडेल व तसेच विद्यार्थ्यांना त्यांच्या करिअरमध्ये याचा नक्कीच फायदा होईल याबाबत मार्गदर्शन केले.

व्याख्यानाच्या दरम्यान प्राजक्ता घाडगे यांनी ब्लॉकचेन टेक्नॉलॉजी या प्रोग्रॅमिंग भाषेची ओळख करून दिली, त्यानंतर त्यांची वैशिष्ट्ये आणि व्यावहारिक अनुप्रयोगांचे तपशीलवार स्पष्टीकरण दिले.

व्याख्यानामध्ये  ब्लॉकचेनची प्रमुख वैशिष्ट्ये आणि प्रोग्रॅमिंग प्रकल्पांमध्ये त्यांचा प्रभावीपणे वापर कसा करायचा इ. संबंधि विविध विषयांचा समावेश केला गेला होता. बिटकोईन आणि शेअर मार्केट मध्ये ब्लॉकचेनचा होणारा प्रभावी उपयोग तसेच बँकिंग क्षेत्रामधील फसवणूक या विषयावरती मार्गदर्शन केले.     सदर व्याख्यानास एस.वाय, टी.वाय. बी.बी.ए सी-ए व बीएससी सीए या शाखेचे १५६  विद्यार्थ्यांनी सहभाग नोंदवला. व्याख्यानाला उपस्थित असणाऱ्या विद्यार्थ्यांनी चांगला प्रतिसाद दिला तसेच विद्यार्थ्यांना ती माहिती नाविन्यपूर्ण वाटली.

संगणक शास्त्र विभाग प्रमुख गजानन जोशी, बी.बी.ए.(सी.ए.) विभागप्रमुख महेश पवार, बी.एस.सी.(सी.ए.) विभागप्रमुख किशोर ढाणे एमएससी (सी.एस), समन्वयक डॉ.जगदीश सांगवीकर, प्रा. गौतम कुदळे यांचे मोलाचे सहकार्य लाभले   व्याख्यानाच्या समन्वयक म्हणून  पुनम गुंजवटे यांनी काम पाहिले . कार्यक्रमाचे सूत्रसंचालन विशाल शिंदे यांनी केले तसेच अक्षय भोसले यांनी पाहुण्यांचा परिचय करून दिला. व्याख्यान यशस्वी होण्यासाठी अनिल काळोखे   वैशाली पेंढारकर,शुभांगी निकम ,अक्षय शिंदे, ,कांचन खिरे यांनी विशेष परिश्रम घेतले.